UR-HAUNDIKO DEPOSITOA

Ur-handi izeneko lekuan, XIX.mendean minerala  atera zuten mina bat dago.

Mina honetan hainbat hamarkada iraganda abandonaturik, urte guztian ura paretetatik sartzen zela ikusirik, berastegiar batzuk ur hauetaz baliatzea erabaki zuten.

Minaren sarrera,  ate batekin itxita.

Hemendik  filtratzen da ura.

Minako zati bat kanalizatu  eta bertako ura depositura bideratu zuten.

Kanalizatutako ura hemen biltzen da.

Gaur egun sei etxe dira ur honekin hornitzen direnak. Zorionez, lehorte garaietan ez dute ur preziatu honen faltik izango.

Ur depositoa.

MINATXURI

Berastegin aljeza edo igeltsu- harria ateratzen zuten  inguruko meategi gutxietako bat da . Material hau lurrak hobetzeko ongarri modura erabiltzen zen azufre eta kaltzio edukinak  dituelako. Baita ere igeltsua lantzeko, azido sulfurikoa egiteko, zeramika industrian … 

Sakonera urria du, 16 metro inguru. XX.mende hasieran esplotatu  zuten  Gazteluko Aginaga baserriko Arritegi anaiek. Bere ekoizpen urria zela eta laster utzi behar izan zuten.

ALJEZA EDO IGELTSU-HARRIA

 Kasu honetan meategi honetatik  ateratzen zen aljeza paper-fabriketara eramaten zuten. Hauts egin ondoren ,  papera eta kartulinari pisua emateko  eta  gehigarri moduan erabiltzen zuten .

Meategi hau Gaztelaitz haitzan kokaturik dago, Gaztelu aldetik, eta tontorretik 80 metrora.

Gaur egun mantentzen duen  egoerak  hainbat espezien babesleku bihurtu du meategi hau; xaguxar , eltxo, tximeleta…

TOLAREKO MINAZULOAK

Tolareko minak, minazulo multzo batez osaturik dago eta Leitzan ( iruso eta urto tartean )daude.
Hainbat zulo daude,  gehienak egoera txarrean uraren eraginez. Minazulo batzutan sartu daiteke, baino, uretako oinetako batzuekin, ur asko bait dute barnekaldean.

Argazkian ikus daitezke hainbat zulo.

TOLAREKO PLANOA

ELDUAKO MINAZULOAK

Hauek dira ezagutzen ditudan Elduko bi minazuloak. Bata, Kasulatx inguruan dago. Eta bestea Mendabeko-gañan. Txikiak dira, lehenak 9 metroko luzera du eta túnel bat bezala da, sarrera eta irteerarekin. Bigarrena berriz, lagin itxurakoa eta 2 metroko sakonera dauka.

Mendabeko-gaña  minazuloa

MINAZULOA PLAZAOLA NºII

Plazaolako 2.zenbakiko minazuloa, zentral elektrikoaren ondoan dago. Bost meatzez osaturik dago, argazkian hoietako bat erakusten dut. Zentralera doan hoditik hamar metrora dago.º